रित्तिएको भकारिले बिद्रोही बनाउँदो रहेछ
आजकल इमान्दारीले बिद्रोही बनाउँदो रहेछ
हजारौं जोशिला युवाहरु बरालिएका छन् यहाँ
त्यसैले बेरोजगारीले बिद्रोही बनाउँदो रहेछ
बिहे गरेकै वर्षमा पुछियो सिउँदो बिचरीको
अरुको रातो सारीले बिद्रोही बनाउँदो रहेछ
बोकेर कहिल्यै सिद्धिएन भरिया दाइको दुख
उनलाई त भारीले बिद्रोही बनाउँदो रहेछ
जवान भएका छोराहरु बेपत्ता पारिए पछी
बाँजो रहेको बारीले बिद्रोही बनाउँदो रहेछ
Wednesday, August 18, 2010
Subscribe to:
Post Comments (Atom)
No comments:
Post a Comment